Oonu hear bout the puss story. Well massa, entertainer decide fi sue for him seh him neva tek nuh puss outa his pants. Massa, sinting nuh right at all and smaddy affi pay fi roast and bwile. Lord mi chile dats why Montel affi ave him spy dem ina bedroom, inna car park, inna restaurant and hairdresser parlour fi mek sure seh mi get people business right.
Beating threat
Now people a talk a which odda entertainer a go get beat up from Miss Bus Mi Cock. Massa, hell let loose if she decide fi buck and kick wid dem deh foot.
Deejay flops
Yu know seh one certain deejay a go farin an flop and massa wen him cum back a Jamaica a pure big chat. Yes mi chile well fren a mine go a farin and massa him send back seh Montel yu fi ave contacts a di show dem abroad cause artistes a flop and cum back a Jamaica wid dem shouder inna dem neck.
Lasting Ghost
Some people nuh fraid fi chat di truth yu know. Yes mi chile, Can yu imagine certain samddy seh when dem fuss hear the singer Ghost dem did feel him couldn't last more dan couple months. Yes confession is good for the soul. Praise the Lord sisters and brothers.
Granny's outfit
Wat a outfit comedian Granny cum a show inna. Yes mi chile sleeveless ganzie, short pants and crepe. Massa, dem seh Granny nearly look like dry-land tourist without di tuffniss.
Riderless magician
A which top a-di-line producer fire one magician, den massa him out a ride, a beg drive and di same magician decide to gi him a drive. Yes mi chile it was one sinting for sum people seh leaf drop inna water nuh rotten di same time.
Tiefin' teacha Massa memba di school teacher weh tief di whole heap a money and lef people fi moan and groan. Yes man a plenty money and dem kip it under quiet to kip the school name. Well di same teacher sell him car and deh a road side a look like puss. Him use to teach a one boys school, so Montel hear.
Stripping Vegas
In these days and age why would anyone want to tear off Vegas pants. Massa wat certain people was not amuse because dat girl nuh ave nuh class. Massa and har friends dem were just as bad too.
Lexxus fan
The sixteen-year-old girl is dying to see Lexxus. One a mi fren seh come Montel cum fast 'fore she left. Massa wen she hear Lexxus song har poor body deh pon one piece a hear. Yes mi chile she look like fourteen to me.
Model and the big man
Beware the model, big man in the business. She is driving around in your car and daddy don't like it a tall. Under dat grin is a cutlass heart. Better give her a break 'before she break your heart.
