So principal get hyper. Yes mi chile dem seh him get orders fi fire and hire. So, herry massa all di news carrying affi done now and di back biters and back stabbers. But teacher seh obe until Mt. Hype wen di haggerneering boys dem start to put fire inna him wire. A who a go cool it. Principal affi go truck off inna Mona Reservoir.
A beating
Wat a beating. Wat a horsing. Four times was more than enough so Montel hear. But massa a who tell him fi buy crissers gi next woman, Dat bun har like pepper inna har saul. But, she did well know handsome face was ole dogg inna three piece suit from long time. So har fren dem like Girlie pon di cable a seh mi did tell yu, put on yu clothes a nite time a meck we go look man.
In style
Massa a wah teck di woman dem dis week for here come di one name Silver Kid. She change hair style and now Montel hear she a pluck out har good yeye brow fi put in false one and a try patternise har toe nail dem. Massa dem seh if she nuh stop dem sinting deh har manager bound fi get heart attack.
Buju's bun
Lord Buju Banton. Easter nuh come yet so a weh yu a consider pon. A mean Easter nuh come for a October now. A which bakery a supply yu wid bun. A Maxfield or a Prestige. Buju open yu yeye and find out a which one a do dat to you?
Vegas in demand
Den massa wat a catastrophe. Foxy Brown almost collar Vegas and now annada one who claim him 'ave browning a drive round wid waan fi cabaclaw him. That was affta she read Montel. Miss Miserable cool down yu temper for dem seh a yu same one did inna di car and yu nuh memba.
Ninja's syrup
Oh Ninjaman a which girl seh anything yu do sweet like syrup. Well di syrup tun sugar and if it get sweeter it bound fi touch di bitta gall, so Montel hear. Dem seh meck sure yu a nuh Nanny Goat.
Girl on the prowl
Entertainers beware! The road runner from St. Elizabeth is after every entertainer. She a ask fi all a unu number. The list start wid di fire-man for Montel hear seh she seh she ave something fi cool it. Then Beenie Man cause she waan something fi mix wid sugar. Then come Lexus for she waan smaddy fi tear off har garment. Massa dis a serious affair, for she a Indian and she caan cool easy.
Sting clash?
Mi chile a who Ninjaman a go clash wid a Sting dis year. Some seh a Bounty Killer, some seh a Beenie Man but all now di Fire-man name nuh call yet. Well dem seh Ninjaman is in a killing mood wid him lyrics and smaddy affi ded by di lyrics dis time.
Pastor's sweetheart
Boy oh boy di pastor is riding a high horse for sure. For di little brother who was right in church is his sweetheart. Only Montel coulda find out dat puzzlement for not even pastor wife know di story.
