What's up at the Q45 camp? Lord mi chile dem seh di whole a Q45 camp tek up demself and lef gone a farin. Then how di dickance Montel see Egg Nog and Singer J back a Jamaica. Yes mi chile eh look like di plane lef dem or the ticket money done. Sour grapes So Foxy Brown was really in Ocho Rios and Baby Cham was pretty much there too. Yes mi chile. You must recall that too many are after di grapes and when some eat and belly full dem talk seh grape sour. Lady Saw nuh easy Then mi chile Montel hear seh wen Lady Saw a talk bout she a fling it up is John John affi ketch it and fling it back pon her. Wat a dilly-dally a gwane pon di hills, mi chile. Greedy baby mother Then massa dem seh Chuck Fender deh pon dem case again. For massa money sweet him so till him 'ave birthday bash again dis year. Memba seh dem did a chat di odda year seh him a go buy Lexus and dat caan cum yet for baby mother nyam out di money pon chicken and chips. DJ Spice riding high So massa people a chat seh is deejay Spice and Capleton mash up Fire 2001 di odda day. Yes mi chile dat was one piece a show weh carry crowd. Yes mi chile so now we know why Spice win two trophy aready and expect fi win two more for di rest a di year. Beenie Man inna kass kass again Wat the hell is going on with LA Lewis and Beenie Man? People seh dem did believe the kass kass done. But Lewis nuh tap call him name bout him fi apologise and Beenie nah come down from him pomps and pride. Hawkeye a burn up Dem massa anybody hear di tune weh Hawkeye sing bout sex. Yes man school pickney a sing it out loud and clear. Mi chile if sister ever hear dem is hell an powder-house. People out a road a chat seh if Hawkeye a galang so hot is weh him a go do later when Sumfest come. For massa him a hot like ten fire-side. Saving for a rainy day Wat di dickance Black Rat a walk up and down inna di people dem studio and him nah voice a thing. People waan fi know weh di barrel a clothes him carry back wid him from farin an if him a save dat fi rainy day. Who trouble the fire man? Den a weh Capleton did vex for di odda day. Massa, Montel hear seh is farin him deh and a talk dis and a talk dat. And, massa people did start to fret seh him naw come out. But massa di fireman was very much there too. Read on Brother Georgie! Three long days nubody nuh know weh George Nooks deh. Den all of a sudden him turn up. Some seh him did gone celebrate with God for him tune God Is Standing By a run more than things. Yes mi chile Nooks a read him Bible more dan him used to. Whe baby fada deh? Then mi chile Lady G took a short flight outa Jamaica di odda day and massa nuh ask if people nuh wen a look out fi baby father. Mi chile Montel hear her love is still hot like ten fireplace.
|
