Slim ting a dweet YES mi chile, young gal seh she luv how Luciano get slim and trim. Yes massa young gal seh is slim ting a dweet and like how she fat and outa shape she affi go start par wid Luciano. But, is di tour a dweet fi Luciano, a nuh di ting or di gym, Montel hear. Go deh Bounty A WHO seh Bounty dun, mi chile oonu betta nuh join di bandwagon for Montel hear seh Bounty song weh a talk bout. Mystery is di mystery and a man is just a man" a galang good. Yes mi chile, a pure gunshot a bus inna dance fi dat deh song, so Montel hear. Poor Georgie SO what a ting mi chile. People a chat seh George Nooks mek a solid mistake. For weh di dickance him a do pon stage wen money a run. Dem seh Nooks shoulda wait till brinks gone. Now, Nooks a walk and a seh him learn him lesson. Licky-licky entertainer NOW, of all the person dat a entertainer shoulda look, why would dis top class entertainer a run after Silva Kid frock tail. Yes, people a chat seh entertainer licky-licky for Silva Kid nuh 'ave noting fi gi him for she a look sumting fi harself. Cass cass WAT a cussing a gwaan bout the song Cuss Cuss. Yes mi chile people a chat seh Mark Ice and Dillgin a drive up and down inna sun hot fi mek tune play and massa tune all a galang bad. But, Mark and Dillgin still bruk. Big bumper gal fi Powerman DEN di one weh name Powerman a go round a talk seh wen him get di partner draw is pure big bumper gal him want. But, dem a talk seh a wonda if Powerman can handle di ride. Careful, Zumjay! SO school girl waan Zumjay like how dry peas waan fire. Yes mi chile and massa wen dem check eh out she liv a one community weh people seh nutten good come from. Now, massa people seh if Zumjay put him foot down there is pure bad luck a go follow him. Where is Saba? NUTTIN has been heard of Saba these days. Some seh him mussa gone a farin. Others a wonda if him gone pon di hills, fi come down back like a lion roaring. Yes mi chile, people a talk seh Saba well need di rest fi mek a big tune fi bus' big time. DJ get the wiper SOH the DJ ah force soundman fi buy him tune. Yes mi chile all him plead and plead soundman gi him di wiper. Massa, Montel hear seh even if a free soundman a get the record him wouldn't even teck it, yes mi chile. Harry Toddler career nuh done SO Harry Toddler flew out and people wen a seh nobody nuh want him pon nuh show. Yes mi chile people a chat seh him career nuh really done.
|
