Tracing war

A who upset CeCile? Mi chile she swell not a spring chicken. Massa all under the hair dryer she a cuss and carry on. She is planning to saul di one who saul her and nuh care. Well, Cecile will be up against Miss Lashie, Mumma Horrible and Missis Tan Bad. Yes, and look how CeCile was cooling out quietly on a good vibes pon di north coast di odda day and dem come passa-passa har, so Montel hear.

Body politic

Oh lord the politician wife is just having goose pimples over Mad Cobra's body. Yes mi chile so she watch Cobra a so har body get hot. Den it get cold and di love bump dem come up. Yes massa politician wife a ask a weh Cobra go fi get eh flushy so. Yes massa tan study Montel caan talk everything, some affi left fi supper.

Big mistake

Den massa after Zumjay done lock di big show him nuh gone gi PJ part a him name. Massa eh look like him nuh memba seh a nuh Tivalee him deh. Massa dem neva meck fun fi teck him on. Yes massa, but hear dis. Montel nuh hear seh Zumjay a go perform pon Sashi fi get back him stripes. Yes mi chile, and him girl friend weh deh a farin could be flying in for the show too.

The slim and tall of it

A which girl Madd Anju is now sparring wid. Oh, someone said she must be di right one now. For she is slimmer dan di bubbler and taller dan di dwarf. Someone hand middle a scratch dem. Mi chile for if money run everybody must get fi dem piece, so Montel hear.

Love is blind

So Black Rat eye nearly get black and blue. Yes massa who di hell tell him fi a pop argument pon property owner daughter. Yes, mi chile pure love verse inna ears and she was enjoying every bit of it. Security get upset seh a weh dis dibby-dibby bwoy a try fi do and kass-kass start. Yes mi chile Black Rat still decide fi look property owner daughter wid all di kass-kass.

Shopping around

Wickerman is window shopping these days. Yes mi chile for massa di show cork and money run. But, Montel hear seh is two spectacles him ave on fi window shop and Wickerman is eyeing di two bashment same time. For if is not a prado it will be a di vehicle weh ave sinting call Montero. Yes massa, oh wat a birthday bash can do these days. Stay tune for more on Wickerman.

Flushed

So entertainer use to travel up and down. Now massa him get big show in annada country but him affi show write-up. Massa entertainer start fi dig up and dug up and mi chile caan find papers. Yes massa smaddy go look and find all a di entertainer write up deh a toilet. Sheee.

Back to Star Page