Amina Blackwood Meeks
Dem is going to charge Likkle Miss Jing Bang with breaches of every applicable clause of copyright. She is duplicating Shaggy's monster hit, "It Wasn't Me" and sending off the copies to the FBI, CIA, Mossad, MI5, Messrs. Shields, Bush and Blair, Commissioners of Police everywhere, talk show hosts, journalists, reporters and newspaper editors worldwide.
Let it be known and understood that she did not bomb anywhere. She did not inherit criminal tendencies anymore than she inherited Asafa Powell's athletic prowress. As a matter of fack she cudden even run fe elections. She will not be recruited by de Sunshine Girls for she kean catch nutten, not even cole. Consequently, she will not run and hide, will not cover her beautiful face under no outsize dark glasses, will not change the colour of her hair, will not try to get a different passport or a new identity with which to enter the Witness Protection Programme. She will, however, continue to proclaim it from every mountaintop, every valley and every waterfall, "I'm a born Jamaican, a daughter of the soil". And she will endeavour to continue to love and treat it better dan every tourist who come here from Hingland, Merica and adda places for "de sea, coconut water and white rum".
NOT ASHAMED
She sey har self esteem nuh tie up wid what criminals of any nationality do. She nuh name Michael Jackson or O. J Simpson. Newspaper kean build har up an lick har dung as dem please. And she naw carry nuh shame fe dem anymore dan she feel like sey chu de best heart transplant specialist inna de worl is a black man, she carry de ability by dint of race fe perform heart surgery pan de fus smaddy whey collapse outa har yard gate. She is just what she is, a plain, hardworking Jamaican who hate crime an injustice no matter who commit it, wedda dem is de President of de illusive free-world or de CEO of Insecurities Unlimited.
Jing Bang wants it to be known that she is no more a terrorist or a potential bomber than every Englishman or American is a liad just chu de whole world find out sey dem leader tell de biggest lie fe get fe bomb dung adda people place. An when de artifacts of de people dem civilisation meck find demself into de land of dere self-proclaimed liberators, contrary to all international convention bout cultural property nat a newspaper did tie up de act of such brazen teefing wid de DNA of dem birth.
DO NOT JUDGE JAMAICANS
Ascardin to she when it was reported dat dem ketch President Clinton which part dem sey dem ketch him nobody never pronounce death and destruction pan American family values. And when de First Lady did declare dat she would stand by her man dere was no hue and cry bout how every single American hooman living backa time fe teck bold face and support something like dat. No, every sensible smaddy did know sey dat was de action of one man and one hooman, no matter how elevated dem was and how much international camera focus pan de ting.
When dem did ketch de soldier girl a drag de Iraqi man round wid collar like dawg, dem go out of dem way to proclaim it an aberration. Even doagh it wasn't just one soldier girl an de whole ting did add up to plenty aberration. An memba afta dem did bomb de Federal Murah Building how de President did jump up an declare dat "Americans don't do that to Americans" when lo an behold de doer of de ack was born and bred under de Star Spangled Banner.
And when people from dose places arrive here as tourist, even widout a passport, immigration doan ask dem to pass no lie detector test to prove dat dey have not been afflicted by de worse dat has been made known about somebody who share de same nationality and born grung as dem or which part dem worship. No, dem assume de bes of dem, from de land of de free and brave. Even when dem go dung a Treasure Beach an entice de fisherman off to dem country and enslave dem an confiscate dem passport we do not push de evidence up into dem nose when dem accuse we of trafficking in human beings. Now all of a sudden everybaddy get unsensible, tun fool an a wanda "how could a Jamaican do dis".
Mister Police Commissioner when yu searching for de clues of who cud possible commit such a ting again in de future and which part dem wud learn de rudiments of dat kind of terrorism, Jing Bang is suggesting a re-designed immigration form for visitors of a certain descent. Weed out de pedigree of who raise dem, which part dem get dem education? Weed out all farin substance dat dey may bring, into dem head, pocket or suitcase dat is contrary to how we waan perceive weself.
Questions fe deh pan de form like, Do you know Jack de Ripper? Was his name ever mentioned in any curriculum with which you are familiar? Are you related to de man who was into de Queen's bedroom? Have you studied at the website of the UniBomber or Charles Manson? Do you know anything about the death of Lady Diana, George Washington or President Kennedy?
STANDING TALL
Jing Bang sey if it is not fair to ask dem dat on de grounds dat it might embarrass dem or cover dem wid a blanket of shame over what some miscreant or deviant what dem neva meet yet do, den it nuh fair fe try fe do it to har. More dan four centuries dem spend a try meck har feel ashamed of who she is an she naw bend har back nuh more. She sey she a stand up straight like Mary Seacole, Marcus Garvey an de likkle lady who fah name nuh baddy nuh know but who plant potato and dig yam hill fe turn out University Graduate what Merica and England come dung yah come recruit fe build up dem place and educate dem children and meck up de majority of people who a write PHD into fe dem University up dere, an pay de school fees dat add up to plenty into how dem try to balance fe dem budget and provide fe dem people. Dig up all de Jamaican-born smaddy dem who a kotch up de worl an prevent it from collapse an who a ded all over de worl a help hunt dung criminals of any nationality fe help meck de worl a safer and better place for peoples of all nationalities.
For ascardin to Jing Bang, dem reprehensible sinting what people love to pin awn pan "Jamaican born" like it can eclipse de positive impact what real Jamaican born an bred have pan worl civilization, she hear at least two an a half million, decent, hard-working, peace-loving, Christian-Muslims-Rastafari-no religious affiliation born yah, live yah, travel an check de news everyday fe see what gwaan yah an mightn't even come back, gi out, "It wasn't me".
